YUZI NURGA, QALBI DURGA TOʻLIQ USTOZDilraboQuvvatovaauthorIlm quyoshga oʻxshaydi. Uning nuri tushgan har bir qalb charogʻon boʻladi. Bu charogʻonlik odamiylik yogʻdulari bilan yanada fayziyob boʻladi. Butun umrini ilm shuʼlalari, insoniylik fazilatlari bilan bezab kelayotgan, koʻnglidagi ezguliklar yuzu koʻzida aks etib turgan, bolalar adabiyoti deb atalmish begʻubor olamning kashfiyotchisi darajasiga koʻtarila olgan taniqli adabiyotshunos olim, samimiy va kamtarin inson, koʻplab shogirdlarning yoʻlboshchisi  Rahmatilla Barakayev haqida oʻylaganimda, koʻzimiz oʻngida  “yuzi nurga, qalbi durga toʻliq ustoz” gavdalanadi. Shu kunlarda qutlugʻ 70 yoshlarini nishonlayotgan zahmatkash adabiyotshunos hozir ham ilmsevar qalblar uchun navqironlik timsolidirlar.2024-01-28“CENTER FOR ADVANCED STUDIES” LLCArticle